LKLIP eiszinis, 5. apreļs, 2023
LKLIP puorstuovi: A. Bitāns, A. Bukšs i D. Mjartāns, attuolynuoti ari Imants Slišāns, tykuos ar VARAM ministru Māri Sprindžuku.
Puorrunuotī temati:
- VARAM atstuots slykts finansialais „montuojums” nu īprīškejuos vaļdeibys.
- Teik organizāta Austrumeiropys vaļstu kūpeja konfereņce par kūpeigu ES projektu ES Austrumu rūbežis styprynuošonai.
- Vaļstī nav regionaluos atteisteibys politikys, nav skaidrs, voi pastuovūšais pošvaļdeibu izleidzynuošonys fonds ir lobuokais sadarbeibys modeļs.
- Planavuošonys regioni kai mehanisms nateik izmontuoti: Latgolā ir leluokais atbolsts planavuošonys regionam, Kūrzemē – mozuokais.
- Juoizviertej, cik veiksmeiga bejuse ATR reforma: 43 pošvaļdeibu ir krītni par daudz.
- Pītryukst sadarbeibys i komunikacejis storp pošvaļdeibom, leidz ar tū nanūteik kompleksa regionu atteisteiba. Kai maineit inerci?
- Juodūmoj par resursu īguļdejumu i realu pīaugumu nūdarbynuoteibai i produktivitatei. Latgolai rezervāti 20 milj. EUR investiceju projektim. Pamatproblema: slykta projektu realiziešonys pīredze, naspieja apgiut dūtū finansiejumu.
- Varakļuonu vaicuojumu aktualizēs nuokušgod. Nūruoda, ka juojam vārā dati i īdzeivuotuoju redzīņs. LKLIP pastuov, ka ir lāmumi, kur svareiga tīši politiskuo i viesturiskuo prizma.
- Teik plānuota muojūkļu (sātu) pīeejameibys programa, ražojūt sātys (leidzeigi kai Līvānu mājas), tom izmontuos emiseju naudu.
- VARAM ministrs atsazyna, ka pošam baba ir nu Latgolys! 😊
Vysu apreli LKLIP aicynoj sabīdreibā pazeistamus cylvākus dūtīs iz školom i vadeit nūvodvuiceibys stuņdis, stuosūt par Latgolys kongresa nūzeimi Latvejis vaļsts tapšonā, par latgalīšu kulturys sasnīgumim īprīškejā godā i sevkura davumu latgaliskuos vidis i ideju kūpšonā. Pīsasoki ari Tu! Varim paleidzēt sakomunicēt ar školu!
13. apreļs – plānuota tikšonuos ar Īšklītu ministrejis vadeibu par drūšeibys vaicuojumim i sadarbeibu ar LKLIP.
