ViestsKongressLKLIP eiszinis

LKLIP eiszinis

LKLIP puorstuovi J. Buļs i I. Šuplinska tykuos ar Īšklītu ministrejis vaļsts sekretaru Dimitriju Trofimovu i vacuokū referenti Martu Suharevsku. Īprīcynuoja fakts, ka Marta puorzyna latgalīšu volūdu i tikšonuos varēja nūtikt, respektejūt obys latvīšu volūdys tradicejis. Partū vaicovom, voi Martys pīredzē ir bejuši īsnīgumi latgalīšu volūdā. Pagaidom naasūt bejs, bet Īšklītu ministreja (IeM) ir gotova taidus sajimt i respektēt.

Puorrunuotī temati:

  • IeM ir gotova atbaļsteit VARAM iniciativu par kūpeigu ES projektu ES Austrumu rūbežis styprynuošonai i vysaidā ziņā veicynuos drūšeibys aspektu īkļaušonu taidā programā.
  • IeM īsasaisteis LKB i LKLIP reikuotajūs forumūs par drūšeibu, pīduovojūt sovu ekspertizi i specialistus, SIF atbaļsteitajā projekta „Latgalīšu kūpīnys lidereibys i pīdereibys styprynuošona, eistynojūt Latgolys kongresa idejis”. Forumi par drūšeibu planavuoti rudenī: 27. oktobrī – tīšsaistē, 24. novembrī – Bolvu nūvoda pošvaļdeibā.
  • Dazynuojam ari par jaunajim Guņsdziesieju depo i Katastrofu puorvaļdeibys centrim, kurim daškierts vaira kai 227 milj. Eur finansiejums. Tys zeimoj, ka nu ituo goda rudiņs da 2026. godam Latgolā byus vairuoki moderni Katastrofu puorvaļdeibys centri i Guņsdziesieju depo: Dagdā, Ilūkstē, Daugovpilī, Leivuonūs, Viļāņūs, Bolvūs, Kruoslovā, Ludzā, Preiļūs i Rēzeknē.

Nu kr. D. Trofimovs, I. Šuplinska, M. Suharevska i J. Buļs

25. apreļs – plānuota tikšonuos ar Aizsardzeibys ministrejis vadeibu par drūšeibys vaicuojumim i sadarbeibu ar LKLIP.

27. apreļs – Latgolys kongresa dīnā latvīšu literaturys viesturis sekceja LU 81. Storptautyskajā zynuotniskajā koņferencē „Profesors Vitolds Valeinis – latviešu un latgaliešu dzejas pētnieks un teorētiķis”, tīšsaistē i LU, Humanitarūs zynuotņu fakultatē, Letonikys auditorejā. Pasuokumu organizej: Latvejis Universitate, Humanitarūs zynuotņu fakultate, Rēzeknis Tehnologeju akademijis Regionalistikys instituts, Latgalīšu kulturys bīdreiba. Programa zamuok.

28. apreļs – pyrmais Turisma forums tīšsaistē (14.00–17.00), moderej Aivars Mackevičs, BalticTrawelnews.com direktors, programa ite.

Iepriekšējais rakstsLKLIP eiszinis
Nākamais rakstsPolitiskuos patmalis 21.04.

Video

Newspaper WordPress Theme

VIESTS