Latgolys storpkongress: sprīss par Latgolys atteisteibu
22.–23. septembrī Rēzeknis Tehnologeju akademijā nūtiks Latgolys storpkongress “Latgolys atteisteiba – drūšeibys pamats Latvejai i Eiropai”, kura laikā paneļdiskusejuos sprīss par Latgolys atteisteibys aspektim – drūšeibys vaicuojumim, reprezentacejis aspektim, t. sk., sadarbeibu ar Pūleju turisma atteisteibā, latgalīšu volūdys ilgtspieju i izgleiteibys kvalitati i pīejameibu. Pasuokumā ir aicynuoti daudzi diskuseju daleibnīki nu vaļsts īstuodem, Eiropys Parlamenta, medijim, piļsūniskajom organizacejom, uzjiemumim i izgleiteibys īstuodem.
Latgolys kongresa lāmumu izpiļdis padūmis (LKLIP) prīšksāduotuojs Agris Bitāns nūruoda, ka “pasuokuma mierkis ir turpynuot Latgolys kongresa uzstuodejumu i lāmumus, kai ari izrunuot aktualūs vaicuojumus izgleiteibā, volūdys lītuojumā i drūšeibā. Tei byus vēļ vīna vareiba atguodynuot sabīdreibai i vaļsts institucejom par Latgolys i latgalīšu volūdys interešu napīteikamu īvāruošonu.”
Latgolys starpkongress ir zeimeigs Latgalīšu kulturys bīdreibys (LKB) darbeibys atskaitis punkts, partū ka itamuos septembra dīnuos paīt 30 godi nu breiža kai LKB ir registrāta darbeibai, rysynojūt i aizstuovūt latgalīšu kulturys, volūdys i ekonomikys vaicuojumus. LKB ir īdybynuojuse Latgoly kongresu tradiceju 1992. godā, dūmojūt par pasaulē asūšūs latgalīšu centīņu apvīnuošonu i 1917. goda kongresa ideju turpynuošonu. Ir cyts laiks, tok daudzi aizdavumi ir leidzeigi tim, kas beja Latgolys latvīšu kongresā Rēzeknē, partū svareiga sevkura daleibnīka īsaiste.
Pasuokuma nūslāgumā byus Nikodema Rancāna Latgolys regiona školuotuoju konkursa ceremoneja, kurā gūdynuos izcyluokūs, radūšuokūs školuotuojus, kas ryupejās par latgalīšu volūdys, vierteibu saglabuošonu, ir radūši i psihologiski atbolstūši pyrmsškolys, školys, profesionālajā ci augstuokuos izgleiteibys vidē.
Daleiba pasuokumā bez moksys, interesentus aicynojam registrātīs da 15. septembram, aizpildūt daleibai anketu: https://docs.google.com/forms/d/e/1FAIpQLSc6MKmeqFUyHFfXCpV12e27Cf41v8l4iprEuIqdMhp3hyM3IA/viewform?usp=sf_link .
Te apsaverama ari pasuokuma programa, atrūnama informaceja par pīsadaleišonu N. Rancāna konkursā:
Latgolys storpkongress
“Latgolys atteisteiba – drūšeibys pamats Latvejai i Eiropai”
Rēzekne
Rēzeknis Tehnologeju akademeja (RTA), Atbreivuošonys aleja 115
22.–23.09.2023.
| Datums/Laiks | Aktivitate | Vīta |
| 22.09.2023. | ||
| 9:00–10:00 | Registraceja, kopejs | RTA, vestibils |
| 10:00–11:00 | Svineiguo sēde. Latgalīšu kulturys bīdreibys (LKB) īguļdejums Latgolys kongresu organiziešonā i sadarbeiba ar Latgolys kongresa lāmumu izpiļdis padūmi (LKLIP) Rēzeknis nūvoda vokaluo studeja “Skonai”, vadeituoja Guntra Kuzmina-Jukna | RTA, aktu zals |
| 11:00–11:15 | Sasadaleišona pa dorba grupom. Paraleli grupom nūteik individualuos tikšonuos – “kontaktu birža” – piec īprīšk saskaņuota grafika | aktu zals, 124., 215. telpa |
| 11:15–12:45 | Latgolys reiceibys plans i storptautyska programa ES rūbežys styprynuošonai – konkreti sūļi ekonomikā i drūšeibā, paaugstynojūt Latgolys īdzeivuotuoju labkluojeibys leimeni i pīdereibys sajiutu Latvejai i Eiropai. Moderators Aldis Bukšs, LKLIP Aivars Draudiņš, VARAM ministra padūmnīks regionaluos atteisteibys i pošvaļdeibu vaicuojumuos Jevgēnija Butņicka, VARAM Vaļsts ilgtspiejeigys atteisteibys planavuošonys departamenta direktora vītneica Dimitrijs Trofimovs, Īšklītu ministrejis vaļsts sekretars Jānis Garisons, Aizsardzeibys ministrejis vaļsts sekretars Sergejs Maksimovs, Latgolys Planavuošonys regiona Atteisteibys padūmis prīšksādātuojs Jānis Dombrava, Saeimys Nacionaluos drūšeibys komisejis prīšksādātuojs Aicynuoti pošvaļdeibu vadeituoji, uzjiemieji Eksperts Roberts Zīle, Eiropys Parlamenta viceprezidents | aktu zals |
| 11:15–12:45 | Latgalīšu volūda plošsazinis leidzekļūs – kai veicynuot volūdys skaniešonu sabīdryskajā medejā i medeju pošu “mierktīceibu” tuos atbolstā. Kai panuokt regularitati satura veiduošonai latgalīšu volūdā, nūdrūšynuot origalsaturu, eipaši bārnu i jaunīšu auditorejai. Moderators Ausma Sprukte-Kozule, LKLIP Jānis Siksnis, SEPLP padūmis prīšksādātuojs Ieva Kaldarauska, Ilva Milzarāja, NEPLP padūmis lūceklis Zane Vāgnere, KM vaļsts sekretara vītneica storptautyskūs lītu, integracejis i medeju vaicuojumūs Renāte Lazdiņa, LR Latgolys studejis vadeituoja Kaspars Odiņš, LTV vaļdis puorstuovs Ingemārs Vekteris, bīdreibys “Latvejis Raidorganizaceju asociaceja” izpylddirektors Ieva Brante, Saeimys Cylvāktīseibu i sabīdryskūs lītu komisejis prīšksādātuoja Aicynuoti medeju, tymā skaitā pošvaļdeibys izdavumu redaktori Eksperts Arnis Slobožaņins, Latgolys Producentu grupa | 124.telpa |
| 12:45–13:45 | Pušdīnis | Stykla terase |
| 13:45–15:15 | Administrativi teritorialuo reforma – Latgolys teritorialuo kūpeiba i vaļsts i pošvaļdeibu instituceju teikluojums Moderators Agris Bitāns, LKLIP Juris Viļums, Saeimys Administrativi teritorialuos reformys rezultatu izviertiešonys apakškomisejis prīšksādātuojs Aivars Draudiņš, VARAM ministra padūmnīks regionaluos atteisteibys i pošvaļdeibu vaicuojumuos Māris Pūķis, Latvejis pošvaļdeibu savīneibys vacuokais padūdmnīks Monvids Švarcs, Rēzeknis nūvoda dūmis prīšksādātuojs, Latgolys Planavuošonys regiona puorstuovs Juoņs Strods, bīdreibys “AugšDaugava” vaļdis prīšksādātuojs Aicynuoti pošvaļdeibu vadeituoji, uzjiemieji Eksperts Arvīds Dravnieks, Publiskūs Tīseibu instituts | aktu zals |
| 13:45–15:15 | Latgalīšu volūdys lūma i izmontuojums turisma i omotnīceibys atteisteibys styprynuošonā, sadarbeibys īspiejis ar Pūleju. Moderators Aivars Mackevičs, BalticTrawelnews.com direktors Monika Mihališina, Pūlejis viestneica Inese Šīrava, LIAA Turisma departamenta vadeituoja Jeļena Kijaško, Latgolys Turisma asociacejis vadeituoja Sanda Čingule-Vinogradova, Latvejis Piļu i muižu asociacejis vaļdis puorstuove Ineta Zelča-Sīmansone, dūmneicys “Creative Museum” vadeituoja Aicynuoti turisma, omotnīceibys jūmu puorstuovi. Eksperts Guntis Rasims, bīdreiba “Latgolys Saeima” | 124.telpa |
| 15:30–17:00 | Latgalīšu volūdys ilgtspieja sabīdreibā i publiskajā vidē – kai veicynuot pošvaļdeibu interesi i īsaisti i nu vaļsts pusis styprynuot atbolsta mehanismus latgalīšu volūdys publiskajai kluotbyutnei Moderators Daiņs Mjartāns, LKLIP Jānis Freibergs, VSIA “Latvijas valsts ceļi” Latgales reģionālās nodaļas vadītāja vietnieks Jana Vērdiņa, LNKC Vēsturisko zemju un nemateriālā kultūras mantojuma nodaļas vadītāja Toms Vorkaļs, Ludzys nūvoda Informacejis Tehnologeju nūdalis vadeituojs Ērika Teirumnieka, Latvīšu viesturiskūs zemu padūmis pošvaļdeibu puorstuove Māra Mortuzāne-Muravska, Vaļsts volūdys centra lingviste Eksperts Uldis Ozoliņš, Rītumu Sidnejis Universitate | aktu zals |
| 17:30 | Izbraukšona iz Lūznovu | |
| 19:00–23:00 | Kulturys programa (voda Jānis Kronis) Politiskuo rasola izruode “Vēlēšanas” (Kvadrifrons) “Dabasu durovys” | |
| 23.09.2023. | ||
| 09:00–10:15 | Latgalīšu volūdys ilgtspieja izgleiteibā – kai panuokt školu īsaisti i interesi vuiceit i atbolstu volūdai školu programuos Moderators Imants Slišāns, LKLIP Agita Zariņa-Stūre, Saeimys Izgleiteibys, kulturys i zynuotnis komisejis prīšksādātuoja Veronika Dundure, LVLKŠA vaļdis prīšksādātuoja Laila Budreviča, Ludzys piļsātys vydsškolys školuotuoja Edmunds Teirumnīks, Saeimas Latgolys apakškomisejis prīšksādātuojs Aicynuoti Latgolys regiona izgleiteibys īstuožu vadeituoji i izgleiteibys puorvalžu vadeituoji, školuotuoji, vacuoki Eksperts Valts Ernštreits, LU Lībīšu instituts | RTA, aktu zals |
| 10:30–11:45 | Izgleiteibys pīejameiba i kvalitate Latgolā. Aktualī vaicuojumi: školu teikla optimizaceja, geopolitiskyskuo situaceja, augstuokuos izgleiteibys reforma, profesionaluos izgleiteibys kvalitate. Moderators Ilga Šuplinska, LKLIP Česlavs Batņa, Augstuokuos izgleiteibys, zynuotnis i cylvākkapitala apakškomisejis prīšksādātuojs Angelika Juško-Štekele, RTA studeju i zynuotņu prorektore Ināra Ostrovska, Latgolys Industrialuo tehnikuma direktore Inga Vanaga, LIZDA Ināra Dundure, Latvejis Pošvaļdeibu savīneibys padūmneica izgleiteibys i kulturys vaicuojumūs Rūta Gintaute-Marihina, IZM Profesionaluos izgleiteibys departamenta direktore Jānis Paiders, IZM Augstuokuos izgleiteibys, zynuotnis i inovaceju departamenta direktors Aicynuoti izgleiteibys īstuožu vadeituoji, akademiskais personals, školuotuoji Eksperte Dace Melbārde, Eiropys Parlamenta deputate, Latvejis Kulturys akademejis Padūmis vadeituoja | |
| 11:45–12:15 | Kopejs | |
| 12:15–13.45 | Nūslāgums (Ekspertu ziņuojumi) | |
| 13:45–14:45 | Pušdīnis | |
| 15:00 | N.Rancāna konkursa nūslāgums Vīru kors “Graidi”, muokslinīcyskais vadeituojs Jānis Mežinskis, dirigents Edgars Kārklinieks |
Projektu” Latgalīšu kūpīnys lidereibys i pīdereibys styprynuošona, eistynojūt Latgolys kongresa idejis” finansiali atbolsta Sabīdreibys integracejis fonds nu Kulturys ministrejis dūtajim Latvejis vaļsts budžeta leidzeklim. Projekts teik realizāts nu 03.04.2022. da 31.10.2024.
