Uzajem atbiļdeibu i esi informāts!
Kai reikuotīs guņsgrāka gadīnī? Kai reikuotīs, ka ilgstūši nav elektreibys? Kū nūzeimej 72h sūma ci kam juobyut sātā sevkurā krīzis gadīnī? Kai nūtiks īdzeivuotuoju apziņuošona krīzis gadīnī?
Itūs i tīši Tevi interesejūšūs vaicuojumus izstuostēs i paruodēs VUGD, Zemissardzis 3. Latgolys brigadis 32.KB, CERT puorstuovi
Tīšraidi verīs ite:
11. oktobrī vysi, kam ir vaicuojumi par reiceibu krīzis situacejā, aicynuoti pīsabīdruot Latgalīšu kulturys bīdreibai (LKB) i iniciativai “Darbeiguos kūpīnys Latgolā”, kas sadarbeibā ar VUGD i Zemissardzis puorstuovim stuosteis par gataveibu krizei i sekura sabīdreibys puorstuova pašorganiziešanuos spiejis svareigumu.
Vaļsts aizsardzeiba navar tikt veiduota bez sabīdreibys, vaļsts i pošvaļdeibu instituceju, dīnastu i privatpersonu atbolsta. Itaida atbolsta i izpratnis veicynuošona var byut izškireiga krizis situacejuos, t. sk. militara apdraudiejuma gadejumā.
Bīži viņ, runojūt par individa i sabīdreibys nūtureibu, teik dūmuots par cilvāka uzvedeibu tik ekstremaluos situacejuos, tymā pošā laikā tehnologeju i informacejis puorpiļneibys laikā stress i natipiskys situacejis naordinarus lāmumus prosa ari sevkurys nūzaris kasdīna. Taipoš kai školuotuojam ir juoīinteresej školāns, jis navuica prīškmatu, a ar sovu kluotbyutni ļaun bārnam atteisteit juo stypruokuos pusis i slāptūs talantus, tai ari sevkuram individam ir juosaprūt, ka gatavūs recepšu i ministru kabinetu prīškrokstu laiks ir pamats, ko juoprūt izmantuot i pīlāguot sevkurai atškireigai situacejai.
Leidzeigi ir ar visaptvarūšū vaļsts aizsardzeibu, kas nav tikai vaļsts aizsardzeibys jūmys voi vaļsts puorvaļdis instituceju atbiļdeiba i prioritate. Visaptvarūšys vaļsts aizsardzeibys sistemys mierkis ir sekmēt vaļstiski svareigu funkceju darbeibu planavuošonys, koordiniešonys i partnereibys sistemys izveiduošonu storp vaļsts institucejom, kai ari privatū sektoru, NVO i dzeivuouojim. Praktiskais visaptvarūšys vaļsts aizsardzeiys sistemys aizdavums ir kotrai vaļsts institucejai nūteikt konkretus aizdavumus i lūmu vaļsts aizsardzeibā.
Forumā Vaļsts guņsdzieseibys i gluobšonys dīnasta prīšknīka vītnīks Ivars Nakurts stuosteis par reiceibu guņsgrāka, ilgstūša elektreibys padevis puorruovuma gadejumā, informēs par apziņuošonys veidim krizis situacejā. Zemissardzis 32. kuojinīku bataljona puorstuovi skaidruos 72 stuņžu sūmys konceptu, kai ari kotra lūmu i atbiļdeibu ari militara apdraudiejuma gadejumā.
Forums teik reikuots: iniciativys “Paaudžu resursu centra izveide, īreikojūt izgleitojūšu telpu bārnim i kūpābyušonys, vuiceibu i ideju generiešonys telpu pīaugušajim, kur reikuot apvuiceibys, kai reikuotīs vysaidu križu gadejumūs”, kū finansiali atbolsta Izgleiteibys iniciativu centrs sadarbeibā ar British Council puorstuovnīceibu Latvejā, projektā “Darbeiguos kūpīnys”, i projektā ”Latgalīšu kūpīnys lidereibys i pīdereibys styprynuošona, eistynojūt Latgolys kongresa idejis”, kū finansiali atbolsta Sabīdreibys integracejis fonds nu Kulturys ministrejis pīškiertajim Latvejis vaļsts budžeta leidzeklim.
Jolanta Smane i Ilga Šuplinska,
projektu koordinatoris
