Latgolys tradicionalūs kulturu i lauksaimnīceibys forums LBTU Malnovys koledžā jau 8. martā
Latgalīšu kulturys bīdreiba 8.martā organizej Latgolys tradicionalūs kulturu i lauksaimnīceibys forumu “Esi i dori” par aktualajim vaicuojumim zemnīkim i citim nūzaris interesentim. Pasuokumā byus vareiba pīsadaleit kai kluotīnē, Malnovys koledžā, tai sekuot pasuokumam tīšsaistē. Pasuokumā pīsadaleis Latvejis Biozynuotņu i tehnologeju universitatis (LBTU) laboratorejis vadeituoja Anda Rūtenberga-Āva, LBTU Zemkūpeibys instituta direktore i pietneica Agrita Švarta, nūzaris puorstuovi: Aldis Ločemelis, z/s “Kotiņi”, Zanda Truškāne, SIA “Organic Products”, Santa Ostaša, Rožleju veina dareitova, Gundega Sauškina, SIA “Very Bery”, duorzneica Daina Zvejsalniece, kai ari puorstuovs nu LAD Austrumlatgolys regionaluos lauksaimnīceibys puorvaļdis. Pasuokumu vadeis Dr. oec. Sandra Ežmale, LBTU Malnovys koledžis direktore.
Forumā daleibnīki runuos par aktualim tematim lauksaimnīceibys nūzarē, kai ari atbiļdēs iz nūzaris puorstuovu vaicuojumim, rūsynūt diskuseju. Forumā uzzynuosim vaira par laukaugu pietejumim ilgtspiejeigai saimnīkuošonai, vuiceisimēs nu dažaidu uzjiemieju pīredzis stuostim, tymā skaitā kai atteisteit permakulturu sovā saimisteibā, i nūskaidruosim, kaids finanšu atbolsts ir paradzāts lauksaimnīkim eistermiņā i ilgtermiņā.
Daleiba kai kluotīnē, tai tīšsaistē ir bez maksys!
Daleibai pasuokumam kluotīnē, Malnovys koledžā, aicynojam īprīšk pīsateikt. Anketa i programa ir ite: https://docs.google.com/forms/d/e/1FAIpQLSc99bOA5Zr6p-q41mdIOe-t5T0bCMXK7FWPsbIF0SyW7zkkbA/viewform
Tīšraidi varēs vērtīs Latgolys kongresa sātyslopā: https://latgolyskongress.lv/, Latgalīšu kulturys bīdreibys Facebook lopā. Interesenti, kas grib uzdūt vaicuojumus, ir aicinuoti jūs syutēt iz e-postu: latgalisubidreiba@gmail.com voi pasuokuma laikā raksteit FB komentaru sadaļā.
Kontaktinformaceja vaicuojumim: santa.rudze@gmail.com
Pasuokumu organizej: Latgalīšu kulturys bīdreiba, LBTU Malnovys koledža i Latgolys kongresa lāmumu izpiļdis padūme (LKLIP).
Projektu” Latgalīšu kūpīnys lidereibys i pīdereibys styprynuošona, eistynojūt Latgolys kongresa idejis” finansiali atbolsta Sabīdreibys integracejis fonds nu Kulturys ministrejis dūtajim Latvejis vaļsts budžeta leidzeklim. Projekts teik realizāts nu 03.04.2022. da 31.10.2024.
