Voi Latgolys īdzeivuotuoju redzīni ir svareigi vysai Latvejai?
26. janvarī 11:00 Preiļu Kulturys nomā nūtiks Latgolys Pilsūniski aktivūs īdzeivuotuoju forums, kurā ir aicynuoti pīsadaleit VYSI Latgolys īdzeivuotuoji i interesenti. Forumā sprīss par Latgolys īdzeivuotuoju leidzdaleibys vareibu, ītekmejūt procesus i nūtykumus regionā i vysā Latvejā.
Par tū, kai asūšūs resursus puorvierst kaidā pelnūšā ci nūdereigā projektā, kaidi ir Īdzeivuotuoju konsultativūs padūmu īgivumi i kai tuos darbojās, kai dzeivuotuoji poši var uzlabuot socialū i kulturys vidi sovā apleicīnē, pīsadaleit dažaidūs projektūs i giut finansiejumu idejom – diskutēs i pīredzis stuostūs pasadaleis Sēlejis aktivuokūs pilsūniskūs organizaceju puorstuovis Ieva Jātniece un Daina Alluža, kai ari Preiļu pošvaļdeibys Īdzeivuotuoju padūmu puorstuovi.
Kai foruma moderatoris byus Preiļu nūvoda pošvaļdeibys vacuokuo eksperte sadarbeibā ar NVO Ineta Liepniece i Latgalīšu kulturys bīdreibys vadeituoja Ilga Šuplinska. Kai nūruoda Ineta Liepniece: “Bīži viņ kasdīnys sarunuos var dzierdēt, ka pošvaļdeibu dzeivuotuoji syudzuos par “dūmis neizdareibom”, tok ir vārts saprast, ka myusu dīnuos kotrys var ītekmēt aktualūs dūmis dorbus, īvīst kaidu nūdereigu projektu sovā apleicīnē. Vajag tikai suokt i dareit. Īdzeivuotuoju konsultativuos padūmis ir veids, kai dūmis darbinīki uzklausa īdzeivuotuoju idejis, diskutej par aktualitatem i dūd konsultacejis par vysaidim vaicuojumim, pīvadumam, īsnīguma raksteišonu.”
Kluotīnis forums nūtiks 26. janvarī 11:00 Preiļu Kulturys nomā. Daleiba ir bez moksys, tok pyrma tam interesenti ir aicynuoti pīsaregistrēt daleibai itymā linkā: https://forms.gle/jZQ66EgqxWCpBhCW8
2. februarī byus foruma turpynuojums tīšsaistē, kurā vaira apsavērs dzeivuotuoju leidzdaleibys vareibu jau vaļsts mārūga aktivitatīs i analizēs vairuoku projektu rezultatus, atkluojūt, cik gotova īsasaisteit i uzajimt atbiļdeibu ir Latgolys sabīdreiba i juos pilsūniskuos organizacejis. Tīšsaistis forumu varēs vērtīs Latgolys Kongresa Youtube kontā: https://www.youtube.com/@LatgolysKongress
Pasuokumu organizej: Latgalīšu kulturys bīdreiba (LKB), Preiļu nūvoda pošvaļdeiba i Latgolys kongresa lāmumu izpiļdis padūme (LKLIP).
Projektu” Latgalīšu kūpīnys lidereibys i pīdereibys styprynuošona, eistynojūt Latgolys kongresa idejis” finansiali atbolsta Sabīdreibys integracejis fonds nu Kulturys ministrejis dūtajim Latvejis vaļsts budžeta leidzeklim. Projekts teik realizāts nu 03.04.2022. da 31.10.2024.
Ilga Šuplinska,
projekta koordinatore, LKB vadeituoja
Kluotīnis foruma plans:
Tīšsaistis forums:
