Pīktdiņ, Latgolys kongresa beidzamuo dīna – visi pasuokumi byus koncertzalā “Gors”. Dīnys golvonuo nūtikšona: rezoļucejis apsprīsšona un galeiguo varianta pījimšona dīnys ūtrajā pusē. Vysūs dīnys pasuokumūs kai klauseituojs, īskaitūt koncertu, var kotrs pīsadaleit, laiceigi ateimūt iz Latgolys viestnīceibu “Gors” i pīsaregistrejūt.
Nu reita 10:00 stuņdēs suoksīs LR Saeimys Latgolys apakškomisejis svineiguo sēde ar Saeimys vadeituojis Inārys Mūrnieces pīsadaleišonu. Programa. Tīšraide byus Saeimys lopā socialajā teiklā Facebook kai ari ite:
11:30 nūtiks politiskūs parteju puorstuovu diskusija “Latgolys politika pyrms i piec Krīvejis ībrukuma Ukrainā” (vadeis J.Domburs). TĪšraide lsm.lv, delfi.lv i cytūs škārsteikla resursūs:
14:30 suoksīs Latgolys kongresa Nūslāguma plenārsēde – rezolucejis pījimšona. Tīšraide lsm.lv, RTA youtube kanalā kai ari ite:
Vokorā kongresa nūslāguma koncerts ar grupu “Tautumeitas”. Klauseituoju rynduos kongresa delegati, dalinīki, gosti, kai ari Latgolys školāni.
