Jaunajā godā vysim lai lobs pruots i veseleiba! Ceram, ka aprelī byus lobs laiks i varēsim sasatikt Rēzeknē, Latgolys kongresā 2022! Asom jau sajāmuši 18 pīteikumus kongresam, bet pīsateikšona turpynojās! Gaidom referantu pīteikumus da 31. janvara, bet delegatu i klauseituoju pīteikumus – da 10. februara!
Anketys ite.
Kas i kai byus ar rezoluceju? Kas jū izstruoduos, kur juosyuta prīkšlykumus i kur ir garanteja, ka prīkšlykumus nanūignorēs, ja, kaidys Speidūlys pruot, prīkšlykums atguojs nu napareiza cylvāka ar napareizu acs kruosu i daguna formu? Nav nūslāpus, ka ari latgalīšu vydā ir antipatejys i augstpruoteiba, i nasaticeiba na tikai politiskajūs vaicuojumūs.
Tagada kai reize kotrs, kurs pīzasoka iz kongresu (ar refereatu, kai delegats ci vīnkuorši kai klauseituojs) roksta sovus prīkšlykumus rezoļucejai! Visi prīkšlykumi tiks salikti rezoļucejis pyrmajā malnrokstā i piec tam jau Kongresa laikā varēs par visim prīkšlykumim izdiskutēt, izrunuot i tod beiguos visi kūpā izlems, kam rezoļucejā juobyun.
Naradzu nikaida pamata koč kaidai lobu ideju ignoriešonai.
Paldīs!