Latgolys kongresa eiszinis
Tyvuokajā laikā vysi, kas pīsasacejuši daleibai Latgolys kongresā, sajims provizorisku pasuokuma programu, kai ari atkuortuotu aicynuojumu syuteit sovus prīšklykumus Latgolys kongresa rezolucejai.
Juopīzeist, ka atsauceiba i interese par kongresu ir nu vysu Latgolys planavuošonys regiona nūvodu, taipat nu tūs pošvaļdeibu, kuruos atsarūn viesturyskūs zemu teritorejā, kas latgaļu (latgalīšu) apdzeivuotys nu seņsenejūs laiku.
Itamā šaļtī vaira teik struoduots pi praktiskim kongresa vaicuojumim: finaņsiejuma, telpu, bolsuošonys i cytu organizatoriskūs problemu rysynuošonys.
Izstruodojūt diskuseju i zynuotniskū daļu, leluoks akcents teik lykts iz zynuošonu puornesšonys i praktyskuos lūmys latgalīšu volūdys sistematiskuma nūstyprynuošonā izgleiteibys procesā, volūdys styprynuošonā informativajā, digitalajā i plašsazinis leidzekļu telpā, vaļsts puorvaļdis izlobuošonā i drūšeibys styprynuošonā, taipat konkretu tautsaimnīcysku prīšklykumu izviersšonu regiona, vaļsts i Eiropys kontekstā.
