28. aprelī 14:00 stuņdēs teik reikuots Latgolys turisma foruma tīšsaistis ekspertu īsapazeišonuos
pasuokums “Esi i dori”, kurā jūmys profesionali atkluos ar turisma ekonomiku saisteitus
vaicuojumus. Turisma nūzaris specialisti nu akademiskuos i praktiskuos pusis stuosteis par
atteisteibys teņdencem pasaulī i Latvejā, kai ari pīduovuos idejis par tūs ītekmi ari Latgolys
regionā, tīšsaistis pasuokuma dalinīki varēs uzdūt specialistim vaicuojumus. Saite iz tīšsaisti byus
daejama www.latgolyskongress.lv.
Pasuokuma plans:
- 14:00 – īvods par projektu nu Latgolys kulturys bīdreibys, Rēzeknis nūvoda puorstuovim i Latgolys Turisma asociacejis.
- 14:15 – Inese Šīrava, LIAA Turisma departamenta vadeituoja, «Īejūšais turisms Latgolā nu Baltejis vaļstu: teņdencis i vareiba»
- 14:55 – Dr.oec. asoc. prof. Ēriks Lingebērziņš, Biznesa augstškolys “Turība” Storptautyskuo turisma fakultatis dekans, Latvejis Turisma operatoru i agentu asociacejis vaļdis prīšksādātuojs, «Latgolys turisma produktu eksportspieja: vareiba i aizdavumi»
- 15:35 – Dr.oec. asoc. prof. Aija van der Steina, Latvejis Universitatis Filozofejis i sociologejis instituta vodūšuo pietneica, «Tymsais i sarežgeitais montuojums kai Latgolys turisma resurss: vareiba i izaicynuojumi»
- 16:15 – Sintija Pusaudze, Līpuojis regiona turisma informacejis biroja vaļdis lūcekle, «Turisma galamierķa atteisteiba: Līpuojis pīredze. Latgolys turisms nu Kurzemis skotupunkta»
- 17:00 – pasuokumu nūslādz Aivars Mackevičs, BalticTravelnews.com direktors
Itys pasuokums byus kai suokums 2. junī plānuotajam Latgolys turisma forumam Lūznovys
muižā.
Projekts teik eistynuots, realizejūt Latgolys kongresa rezoluceju, izgleitojūt sabīdreibu
pilsūniskuos leidzdaleibys vaicuojumūs i uzturūt kūpdarbeibys aktivitatis vysaidu nūzaru grupuos.
2023. godā ir plānuoti 2 kluotīnis i 5 tīšsaistis pasuokumi, kas byus veļteiti vysaidom Latgolys
kongresa rezolucejis temom: izgleiteiba, uzjiemiejdarbeibys atteisteiba, drūšeiba. Sevkurā
pasuokumā pīsadaleis atbylstušuos jūmys puorstuovi Latgolys regionā. Kab veicynuotu
teiklūšonūs i sadarbeibys veiduošonu, foruma daleibai aicynuoti nūvodu aktivuokī izgleiteibys,
kulturys īstuožu, NVO i pošvaļdeibys īstuožu puorstuovi.
Pasuokumu organizej: Latgalīšu kulturys bīdreiba, Rēzeknis nūvoda pošvaļdeiba i Latgolys
kongresa lāmumu izpiļdis padūme.
Projektu” Latgalīšu kūpīnys lidereibys i pīdereibys styprynuošona, eistynojūt Latgolys kongresa idejis”
finansiali atbolsta Sabīdreibys integracejis fonds nu Kulturys ministrejis dūtajim Latvejis vaļsts budžeta
leidzeklim. Projekts teik realizāts nu 03.04.2022. da 31.10.2024.
