- Daleibnīki: sevkurys klasis školāns, sevkurys studeju programys studejūšais
- Tema: Muna breiveibys cena
- Rokstudorbs (ni vaira kai 5000 rokstu zeimis), vālams ari paskaidrojūšs video (20–30 sek.).
- Rokstudorbus konkursam syutit iz democracy.week.Latvia@gmail.com
- Telplaiks: pādejais īsnīgšonys breids leidz Satversmis spākā stuošonuos breiža symtajai godadīnai.
- Rezultatus paziņuosim 18. novembrī 18.18 Facebook grupā “demokrātijasnedēļa 2022”
- Volūda: dorbus var īsnīgt latvīšu i latgalīšu volūdā.
- Lībīšu volūdai vālams dalikt tulkuojumu.
- Viertejom: izpratni par demokratisku sabīdreibu i izteiksmis formu, kai ari satura i formys originalitati.
- Studejūšū dorbus anonimi viertēs gimnazeju školuotuoji, bet školānu – augstškolu docietuoji.
- Reikoj: Publiskū tīseibu instituts (Arvīds Dravnieks), Latvejis Politologu bīdreiba (Iveta Reinholde), Viesturis i socialū zineibu školuotuoju bīdreiba (Baiba Atmane), Latvejis Universitate (Agris Bitāns, Ivars Ījabs, Lauris Liepa, Jānis Pleps), Reigys Stradiņa universitate (Kitija Bite, Jānis Grasis).
- Bolvys:
- (a) Saruna ar sevkuru Latvejis vaļsts amatpersonu i īsapazeišonys ekskurseja īstuodī piec izgleituojamuo izvielis. Laureats varēs izavēlēt ari leidzbraucieju – sovu meiļuokū školuotuoju voi cytu tuvinīku. Leidz šam nivīna amatpersona nav atteikusi tikšonūs; popularuokī sarunu partneri bejuši Vaļsts prezidents, Saeimys prīšksādātuojs i juo bīdri, izgleiteibys ministrs i sovys pošvaļdeibys vadeituojs. Daleibu naatsaceis ari tīsu varys īstuožu voi augstškolu vadeituoji.
- (b) Vīnam studentam, pylngadeigam školānam i juo izvālātam školuotuojam tikšonuos ar deputatu nu Latvejis i īsapazeišona ar Eiroparlamenta dorbu Briselī.
- (c) Ailinīks Andris Akmentiņš kaidam školuotuojam duovynuos sovu gruomotu “Skolotāji” ar eipašu īrokstu i 10. junī Cēsīs vadeis raksteišonys meistarklasi školānim.
- (d) Viesturis školuotuojs Artis Buks uzaicynous iz sastdinis viesturis školu školānus i jūs školuotuojus 10. junī sarunu festivalā LAMPA.
- (e) Izcylnīkim byus īspieja pīsadaleit myusu reikuotajūs pasuokumūs – sarunu festivalā LAMPA 9. i 10. junī, Bīriņu konstitucionaluos tīseibpolitikys seminara vosorys školā 24. julī i jaunū līderu forumā.
- (f) Vysim dorbu autorim latgalīšu voi lībīšu volūdā duovonā tiks Satversme latgalīšu i lībīšu volūduos.
- (g) Viertietuoji (gimnazeju školuotuoji i augstškolu docietuoji) duovynuos kaidu sovu gruomotu ar īrokstu.
Vaira par konkursu i demokratejis nedeli 2022 ite
