25. majā Saeimys Ilgtspiejeigys atteisteibys komisejis sēdē Latgolys kongresa 2022 organizātuojis, Saīta rezolucejis izpiļdis komitejis puorstuovis Ilga Šuplinska i Sandra Ežmale ziņuoja par Latgolys kongresā (29.04.2022.) pījimtū rezoluceju.
Sēdē pīsadaleja ari atbiļdeigūs ministreju puorstuovi – KM, VARAM, EM, FM, kuri izsaceja sovu redzīni par Latgolys regiona reiceibys planu nuokamajim 5 godim. Nasaverūt iz tū, ka volūdys i izgleiteibys vaicuojumi ir rezolucejis pamats, IZM puorstuovs napīsadaleja. Kai skaidruoja ari komisejis vadeituojs – naatsasauce iz aicynuojumu.
Ilgtspiejeigys atteisteibys komisejis prīkšsādātuojs Vjačeslavs Dombrovskis nūruodeja, ka pozitivi viertejams, ka Latgola ir īraudzejuse i nūformuliejuse sovys praseibys, kas paleidz veiduot regionaluos atteisteibys i inovacejis programu Latvejis kontekstā. Taipoš izteice cereibu, ka tei ir pyrmuo saruna i Latgolys atteisteiba byus dīnys kuorteibā ari cytuos Saeimys komisejuos i atbiļdeigajuos ministrejuos.
Video: ©LR Saeima, 25.05.2022.
