Kongresa eiszinis
Leidz 10. februaram daleibai Latgolys kongresā var pīsasaceit delegati, referenti, klauseituoji. Iz itū šaļti ir pīsasacejuši 33 delegati i klauseituoji. Prīcynoj, ka aktivuokuo daļa ir taišni školu puorstuovi, tymā skaitā vairuoki Rēzeknis Vaļsts gimnazejis školāni i školuotuoji.
Sātys lopā latgolyskongress.lv var īpazeit SaRIK (Saīta rezolucejis izpiļdis komiteja) lāmumu, kurs paredz, ka pīsasaceit kongresam kai delegati var i Latgolys dzeivuotuoju puorstuovi.
Simboliski, ka taišni Saeimys 100 godu svineibu dīnā nūtyka SaRIK aktivistu saruna ar Latgolys apakškomisejis deputatim. SaRIK prīšksādātuojs Agris Bitāns izsaceja cereibu, ka Latgolys apakškomisejis puorstuovi jims aktivu daleibu kongresa rezolucejis sagataveišonā, diskusejuos par Latgolai aktualom temom i sarunuos ar kongresa delegatim.
Latgolys kongresa gaitā planavuots, ka sevkurs kongresa daleibnīks varēs pīsadaleit i diskusejuos, i “kontaktu biržā”, kur varēs aizdūt vaicuojumus cytim kongresa delegatim voi gostim, atrast jaunus sadarbeibys partnerus, puorrunuot aktualū. Taipat kongresa delegati i klauseituoji tiks aicynuoti aktivi i konstruktivi izasaceit i aizdūt vaicuojumus kluot asūšajim politikim eipašā sesejā.
Da 31. janvara daleibai Latgolys kongresā gaidom pīsasokom pietnīkus. Kongresa roksti piec recenziešonys tiks publicāti žurnalā „Via Latgalica“. Ite var apsavērt žurnalu.
