Latgolys kongress 2022

Latgolys kongresa 2022 rezoluceja

Latgolys kongresa brošura / Diskuseju tezis 2022


Latgolys kongress nūtyka 2022. gods 27.-29. aprelī Rēzeknē

Tema — “Latgaliskuma kods Eiropā: nu volūdys da ekonomikai”.

Ka ir kaidi vaicuojumi, roksti iz e-postu: info@latgolyskongress.lv


LATGOLYS KONGRESA 2022 PROGRAMA (LTG/LVS/ENG)


Latgolys kongresa Saīta rezolucejis izpiļdis komitejis lāmums (30.11.2021.)

Saīta rezolucejis izpiļdis komiteja (SaRIK), atbylstūši 2017. goda Latgolys symtgadis kongresa pījimtajai rezolucejai, atbiļd par rezolucejis izpiļdi i organizej nuokamū Latgolys kongresu.

Četru godu pīredze piec 2017. goda Latgolys symtgadis kongresa, a seviški Latvīšu viesturyskūs zemu lykuma pījimšona, ruoda vajadzeibu regulari analizēt, likt kūpā i mierktīceigi vierzeit tuoļuok Latgolai i juos dzeivuotuojim nūzeimeigus vaicuojumus, taipat — nūsaceit praktyskus aizdavumus i vaicuojumus, kas svareigi Latgolys atteisteibai.

Izviertejūt padareitū i vēļ napadareitū, 2022. goda 27.–29. aprelī Rēzeknē nūtiks Latgolys kongress, kura tema ir „Latgaliskuma kods Eiropā: nu volūdys da ekonomikai”.

Kab Latgolys kongresā varātu pīsadaleit leluoka aktivuos sabīdreibys daļa, dalykumā paskaidruota delegatu puorstuovnīceiba nu pošvaļdeibu dzeivuotuoju, pošu pošvaļdeibu, izgleiteibys īstuožu, navaļdeibys organizaceju, uzjiemieju, Bazneicys.

Latgolys kongresa nūslāgumā kongresa delegati apstyprynuos rezoluceju, kurā tiks nūsaceiti nuokamūs pīcu godu aizdavumi i sasnādzamī mierki, kai ari tiks apstyprynuota jauna rezolucejis izpiļdis komiteja.

Saīta rezolucejis izpiļdis komiteja (SaRIK) (20172022):

  • Agris Bitāns —SaRIK prīšksādātuojs, Latgolys kongresa tīseibu, viesturis, drūšeibys sekcejis puorstuovs, zvārynuots advokats;
  • Dr. philol. Ilga Šuplinska — SaRIK prīšksādātuoja vītneica, Latgalistikys sekcejis puorstuove, Latgalīšu kulturys bīdreiba;
  • Dr. oec. Sandra Ežmale — Ekonomikys sekcejis puorstuove, Malnovys koledžys direktore;
  • Dr. paed. Irēna Kokina — DU rektore;
  • Dr. philol. Lidija Leikuma — Latgalistikys (volūdys) sekcejis puorstuove, LU profesore;
  • Dr. oec. Iveta Mietule — RTA rektore;
  • Imants Slišāns — Nūdybynuojuma „Latgalīšu volūdys, literaturys i kulturviesturis školuotuoju asociaceja” vaļdis prīšksādātuojis vītnīks;
  • Juris Viļums — Latgalīšu kulturys bīdreiba;
  • Sergejs Maksimovs — Latgolys planavuošonys regiona prīšksādātuojs.

Kongresa organiziešonys komitejis gūda bīdri:

  • Juoņs Buļs — Rēzeknis-Aglyunys diecezis veiskups;
  • Vīsturs Kairišs — režisors, kusteiba „Ar Latgolu”;
  • Anna Rancāne — dzejneica, žurnaliste.