Kai pateik/napateik itei sātys lopa?

Suokums Forums Domnīca Kai pateik/napateik itei sātys lopa?

Viewing 15 posts - 1 through 15 (of 24 total)
  • Autors
    Ieraksti
  • #326
    Juris Viļums
    Keymaster

    Īrokst sovus dūmys par itū lopu. Īrūsynuojumus. Var ari kritiku.

    • This topic was modified 2 years, 4 months ago by Juris Viļums.
    #434
    Ontūns Pēzda
    Guest

    Lopa ir lāta, nauzrunoj i ir naparūceiga lītuotuojam. Uzsvoram juobyut iz diskuseju par kongresu i kongresa vaicuojumim, koč gon izaver, ka vyss jau ir izlamts, vacī vadūni salykti tymūs pošūs omotūs i vysdreižuok zynuotniskī referenti byus tī poši, kas pyrma 5 godu. I par kū nūvodvuiceibys murgi, kas naatzatīc iz kongresu, ir itamā lopā – metit uorā i namāslojit “ēteru”?

    #435
    Ontūns Pēzda
    Guest

    Lopā datryukst 2017.goda kongresa rezolucejys. Vajadzātu ari kongresa Statūtus, lai nabyutu šaurys personu grupys diktatura – kas kongresu organziej, kas dorbojās orgkomitejā, kaidys tīseibys delegatim, kaidi vaicuojumi teik izskatēti, kas izvērtēj referatus, kai nūteik bolsuošona par rezoluceju voi izskotamajim vaicuojumim, kaida byus dorba kuorteiba i t.t.
    ////
    A lopā burti nav puormejami iz šmukuokim? Maņ cīši napateik burtu forma i stails. I ite, kur var rakstēt komentarus – voi ta najēdzit latvīšu volūdu i navarit tūs angļu “your information”, “name”, “mail”, “website” puorlabuot???

    #441
    Juris Vilums
    Guest

    Rezoļuceji i vysus cytus 2017.goda kongresa materialus nūteikti daliksim. Na vysu iz reizis.
    Seikuoka informaceja par 2022.goda kongresu ari tiks publicāta vystyvuokajā laikā.
    Voi Jius, Pēzdas kungs, esit gotovs ari kai īsasaisteit dorbu dareišonā?

    #465
    Ontūns Pēzda
    Guest

    1. Ō, tūmār ir atgrīzeniskuo saite. Maņ jau ruodējās, ka te nivīns naskaita forumā uzraksteitū.
    2. Švaki, ka vyss bez diskusejys i plošuokys dūmu apmainis jau izlamts, i vystyvuokajā laikā tyks nūpublicāts.
    3. Vīnmār asmu gotovs. Bet, kas par dorbu, kas byus prīkšnīks, kam vajadzēs atsaskaitēt i kas moksuos olgu?
    ////
    Kuo lopā vēl datryukst? Strategiskuos informcejys – kaida čorta pēc juoreikoj Kongresu!? Kam jys vajadzeigs? Kū jys rysynoj? Tāņ izaver, ka tei ir i byus t.s. zynuotnīku saīšona kūpā reizi 5 godūs, lai apsasprīstūs par izpieteitajim objektim: Latgolu, latgalīšim i latgalīšu volūdu. Normāli byutu, ka latgalīši, naskaitūt t.s. zynuotnīkus, itamā Kongresā nav tikai objekts, bet ir subjekts, kas pats izlemj sovu nuokūtnī, a navys kura nuokūtni nūsoka t.s. zynuotnīki. Itam juobyut latgalīšu, a navys zynuotnīku Kongresam.

    #497
    Juris Viļums
    Keymaster

    1.Atgrīzeniskuo saite i leluoka aktivitate ite nūteikti padruskai augs. pagaidam vēļ visi guļ i dūmoj, ka da Kongresam vēļ cīš tuoļ 🙂
    2. Nikas nav izlamts. Niu kai reize kotrs, kas pīzasoka, īroksta ari sovus prīkšlykumus rezoļucejai.
    3. Prīkšnīks i olga… skaiteišu tū par jūku.

    Strategiskū i statistiskū informaceji kai reize tod varātu byut apkūpuota nu tim Kongresa dalinīkim, kas gotovi ari poši kaidu ziņuojumu/viestejumu/analizi dūt. Nivīnam koč kaida konkreta zynuotniskuo grada ci LZA akademiķa kartis naprosa. “Zynuotnīks” – tys taids gona vyspuorejs apzeimejums. Cylvāks, kurs koč kū ZYNA i kam ir ar kū pasadaleit. 🙂 Teoretikis ci praktikis – tam nav nūzeimis, lobuok ka nu obeju pušu.

    #498
    Ontūns
    Guest

    Tai i nasaprotu kai var pīzateiktīs iz kongresu. Man nav gūgla eposta! Bez gūgles as navaru!
    /////
    A kas var īsnīgt rezoluceju – a) tikai delegati voi b) tikai delegati i daleibnīki voi c) pilneigi vysi, ari tī, kuri kongresā napīzadalēsīs nīvīnu dīnu i nabyus iz vītys?
    /////
    Nazasmejīs par olgu! Mož Šuplisnska Tevi čakarej i izmontoj, bet Saeima ar Teirumnīka kunga atbolstu Kongresam īdeva 10 000 eiro.

    #508
    Juris Viļums
    Keymaster

    – Googles kontu vajag tikai tod, ka gribi pīsasaceit ar referatu. Delegati i klauseituoji anketu var aizpiļdeit bez jabkaida īrūbežuojuma. Sevkurā gadejumā, ka rūnās kaidys problemys voi vaicuojumi – rokstit iz info@latgolyskongress.lv Raudzeisim paleidzēt.
    – Prīšklykumus rezoļucejai var snīgt kotrs. Ka na cytaiž, koč voi ite pat forumā – tam kai reize izveiduota atseviška sadaļa.
    – Olgys i prīkšnīka vaicuojums beja Tev svareigs, Ontūn! 😉 Es nasagloboju zam sagvuorda – pats asu sev prīkšnīks i muni īnāmumi ir visim breivai apsaverami – jūprūjom kotru godu snādzu omotpersonys deklaraceji.
    – 10000 eiru Latgalīšu kulturys bīdreibai īdūs (cik zynu, vēļ nav kontā īguojs) nu vaļsts budžeta ar Saeimys vairuokuma boluojumu piec vysys koalicejis puorstuovu kūpeiga prīkšlykuma. Tuoluokī celi (i naceli) nav dokumentali pīruodami, deļ tam ir tikai spekulacejis.
    P.S. Aicynoju itū forumu izmontuot pruoteigi i “pa dzelai”. Mani jau suokumā breidynova, ka juolīk īspieja ite raksteit tikai autorizātom personom, tok aizstuovieju ideji, ka itai sadaļai juobyut piec īspiejis plašuok pīejamai. Dūmoju, ka latgalīši ir sapruoteigi ļauds i nav problemu ar “saturiešonu”. Ka tai nabyus, tod daīs jimt itū īspieji nūst, tod otkon byus kaids, kas žāluosīs, ka jam nav G-konta, FB profila ni Twittera… Ot, taidys dzelys, bruoļ!

    #610
    Juris Saukāns
    Guest

    Bez Teirumnīka k-ga atbolsta Saeima nūteikti naīdūtu nikō… Taids jūceigs uzvōrds Ontonam…

    #630
    Miterāns
    Guest

    Paļdis par demokrateju i komentāru dzēšonu! Ar tū itei sātys lopa napateik.

    #686
    Juris Viļums
    Keymaster

    Komentari lopā nateik dzāsti. Ka ir kas vierteigs pasokams, vysod lobpruot visi uzklkauseisim i puorskaiteisim. Forumā gon teik saturs drusku redigāts, lai nav ite citim juolosa vysaidys anonimys jieleibys.

    #687
    Foruma skaiteituojs
    Guest

    2022.godā dzēšona saucas satura redigēšona? :)))

    #688
    Juris Viļums
    Keymaster

    Kura vierteiga dūma ci vierteigs prīšklykums tyka dzāsts/redigāts? Pīrokst vēļreiz – lai ite pastuov i dora kaunu lopys administratorim.

    #689
    Foruma skaiteituojs
    Guest

    Kaidam tei beja vierteiga dūma. Kaidam apkaunojūša voi kritizejūša, bet Satversme jūprūjom aizstuov dūmys i uzskotu breiveibu. Dzēšona uorā ir vyseistuokuo cenzūra.
    Kai lai zynu, kas kuram dora kaunu voi nadora? Man mož kaunu dora nūvodnīce Šuplinska i nūvodnīks Viļums ar sovim populistiskajim uzskotim, bet as ar tū spieju sadzeivuot i pījemu, ka jī dūmoj sovaižuok nikai es.
    Kotrā ziņā forums paruoda, ka, ja nadūmuosi kai lopys administrators (kongresa organizatori?), tod tiksi izdzāsts.

    #690
    Juris Viļums
    Keymaster

    Anonimi var māzuot iz žūga i raksteit koč kaidus simbolus… Tikai piec tam navajag breinuotīs, ka žūga eipašnīks taidus kiezejumus aizkruosoj. I tei nav cenzura.
    Ka kaids dora Tev kaunu, tod pasok jīm personeigi voi sok tū iz “sova žūga”. A itai raksteidams tikai pīmāzoj kūpejū telpu, kurā visi ceram iz kaidu pruoteigu pamatuotu īsacejumu lopys saturam ci rezoļucejis redakcejai. Kai jau īprīšk raksteju, ka ir kas nu tuo – rokst drūsai!

Viewing 15 posts - 1 through 15 (of 24 total)
  • The forum ‘Domnīca’ is closed to new topics and replies.